自己早於十二月左右開始跟隨教練作正式訓練,為的是希望能在兩小時內完成渣打半馬賽事,上次迪士尼跑了兩小時零五分,在操練時計算已知會比這個時間更快.

在初期受傷患困擾,一直未有進步,到一月左右傷患醫好了便積極訓練,亦有良好效果,點知人算不如天算,今年足足凍左三個禮拜,自己頂唔住病倒之餘,到昨日狀態亦下滑到得6、7成左右,正所謂有心無力,多次想谷亦感到力不從心,每個水站都要飲兩杯水,差點虛脫.

 回說賽事,大清早7點出發,天都未光,開始後經匯翔道上3號幹線時也沒有不適.在3號幹線一段比較沉悶,比迪士尼賽道風景差很多.但是到8公里已開始感到疲倦,心想:"今次大鑊",體力下降得好快,好不辛苦終於到西隧,下坡段舒適,步伐也加快了,到出西隧上斜段,雖然已有心理準備會好辛苦,但也不得不在回旋上斜後行了一段,到和記大廈對出天橋上斜段,行的時間越來越頻密,體力亦下降到七七八八,在會議道更見到跑手在路邊被急救,心底不期然涼了一截,"心想還是快些捱埋佢吧!". 到達馬師道天橋上斜也行了一段,駱克道時手部更開始發麻,我知道這是熱虛脫,有中暑可能,因為七月練習時曾發生過. 但是路邊觀眾及打氣聲越來越多,心裏"唔衰得"心態湧現之下,不知何來力氣咬緊牙關繼續跑落去,捱到百德新街一段更興奮,但一入維園後心中不期然"x"了一聲,因為終點仲有成一百米,在經歷了這人生最難熬的一百米後終於大功告成.看看錶,慢了五分鐘,心中確實覺得不開心,因努力練過換來這個結果. 衝過終點後只想快快喝水及會合跑友及support team.

找到他們後影了一幅相,後來睇返自己面青口唇白,得返半條人命,都幾得人驚....

冷靜後心中不快也沒有了,唯有寄望下年再創佳績吧,回想今次真係一個好好嘅經歷.

大會今次安排得很好,尾段有人支持更是一絕,多謝大會,希望下年都一樣咁好啦!另一方面也很多謝support team嘅啤梨同ryan媽媽,好彩有阿pink支持,如果唔係真係唔知捱唔捱到到終點咯!    昨晚同今日有少許發燒,希望快d好返啦!

p.s.舒舒我希望下年有你咁快,同你一齊過終點啦!